Air Cuan Dubh Drilseach

Lèirmheas le Raghnall MacIlleDhuibh

Air a phostadh An Dùbhlachd 14, 2013 le lasairdhubh

Chaidh lèirmheas le Raghnall MacIlleDhuibh fhoillseachadh anns an Albannach Disathairne sa chaidh. Mhol e ACDD gu mòr, ach gu mì-fhortanach, cha do nochd an lèirmheas (no gin dhe na h-uilt Ghàidhlig bho Dhisathairne sa chaidh) air an làraich-lìn aca. Tha mi an dòchas gun nochd e a dh’aithghearr, agus ma nochdas, cuiridh mi ceangal ris. Bha e glè mhath.

Air a phostadh ann an naidheachd | Sgrìobh beachd

Lèirmheas le Moray Watson

Air a phostadh An Dùbhlachd 12, 2013 le lasairdhubh

Sgrìobh Moray Watson lèirmheas smaoineachail inntinneach air ACDD a chaidh fhoillseachadh ann an Northwords Now am mìos seo (Autumn 2013, #25). Seo am beachd aige air cuspairean na nobhail:

Air Cuan Dubh Drilseach seems light and pacy to read, but it is grounded in profound and absolutely current themes. Among other things, the novel raises questions regarding artificial intelligence and the advent of the technological singularity, as well as the morality of cybernetics, along with notions of totalitarian rule, liberty, rights, hegemony, oppression, genetic cleansing, eugenics, drugs, human experimentation and the responsibilities of family and friendship.

Air a phostadh ann an naidheachd | Sgrìobh beachd

Alt anns an Everett Herald

Air a phostadh An t-Samhain 27, 2013 le lasairdhubh

Chaidh deagh alt a sgrìobhadh mu ACDD agus mu dhuais Comann Crann na h-Alba le Julie Muhlstein aig an Everett Herald, am pàipear ionadail againn ann am Mukilteo, am baile beag far an do thogadh mi.

Air a phostadh ann an naidheachd | Sgrìobh beachd

Saibear-punc air buidseat beag

Air a phostadh An t-Samhain 25, 2013 le lasairdhubh

Am faigh sinn film ficsean-saidheans anns a’ Ghàidhlig uaireigin? Tha ùidh aig leughadairean Gàidhlig ann am ficsean-saidheans, agus is cinnteach gum biodh ùidh ann an deagh film ficsean-saidheans anns a’ Ghàidhlig cuideachd, ach an gabh e dèanamh? Nach biodh e ro dhaor? Nach biodh na buaidhean sònraichte ro chosgail? Can gun robh thu ag iarraidh film saibear-punc no opra-fànais a dhèanamh, fear le sgeulachd coltach ri ACDD mar eisimpleir, dh’fheumadh tu diofar longan-fànais a shealltainn, creutairean neo-daonna, planaidean cèin, is eile. Ciamar a dhèanadh tu sin leis a’ bhuidseat bheag ris a bhite ri dùil air film Gàidhlig?

Beagan bhliadhaichean air ais, b’ e aisling a bhiodh ann — bhiodh na buaidhean sònraiche fada ro dhaor — ach is coltach gu bheil CGI air fàs cho saor a-nis gun gabhadh film ficsean-saidheans a dhèanamh le buaidhean sònraichte a bhiodh reusanta math, ach air buidseat gu math math beag. Tha am film saibear-punc gu h-àrd na dheagh eisimpleir. Tha e cianail breagha, ach a rèir an riochdaire, chaidh am fiolmadh a dhèanamh le sgioba de thriùir agus air meanbh-bhuidseat, a’ cleachdadh mòran CGI airson nam buaidhean sònraichte.

Saoil a-nis, an dèan cuideigin film à ACDD san aon dòigh aon latha? Bhithinn air mo dhòigh agus tha e coltach gun gabh e dèanamh — an-dràsta no ma dh’fhaoidte ann am beagan bhliadhnaichean nuair a thig prisean CGI sìos pìos a bharrachd — ach an uair sin, ceist cudromach: cò chluicheadh Raithdead? A-Hiom? Rìosa? Beachdan?

Via io9.com.

Air a phostadh ann an Ficsean-saidheans | 5 beachd(an)

Air a phostadh An t-Samhain 20, 2013 le lasairdhubh

Air a phostadh ann an punc | Sgrìobh beachd

Sanas ùr le CLÀR

Air a phostadh An t-Samhain 19, 2013 le lasairdhubh

Rinn CLÀR pòstar ùr airson ACDD agus seallaibh air na dathan sin! Sgoinneil.

Seo dreach PDF dheth cuideachd.

Air a phostadh ann an naidheachd | Sgrìobh beachd

ACDD aig Comann Crann na h-Alba

Air a phostadh An t-Samhain 18, 2013 le lasairdhubh

Dealbh Graeme Clark

Tha mi uabhasach toilichte innse gun do bhuannaich ACDD an duais, A’ Chiad Leabhar As Fheàrr, aig Comann Crann na h-Alba, Dihaoine! Chaidh an duais a roinn eadar ACDD agus As Far as I Can See le Eunice Buchanan. Bha oidhche sgoinneil againn agus chì sibh anns na dealbhan gun robh a’ chuirm gu math spaideil anns a’ Leabharlann Mitchell.

Dealbh Graeme Clark

Sgrìobh Brian Ferguson alt fada anns an Albannach uimpe, agus cuideachd, fhuair an duais iomradh air io9.com. Dìoso, cò chreideadh e!?! Tha mi gu sònraichte toilichte airson a h-uile duine aig CLÀR a dh’obraich cho cruaidh agus gu saor-thoileach air an nobhail. Tha cruth agus coltas na nobhail brèagha agus dreuchdail, agus saoilidh mi gu bheil muinntir ChLÀR uabhasach airidh air an aithneachadh. Gum meal iad an naidheachd!

Mark Wringe am measg an t-sluaigh, Dealbh Graeme Clark

Ùrachadh: Tha Laura Jones air alt inntinneach a sgrìobhadh air Publishthings mun duais agus a beachdan air a’ phròsas.

An Talla aig Leabharlann Mitchell, Dealbh Graeme Clark

Liam Crowse agus caraidean, Dealbh Graeme Clark

Air a phostadh ann an Ficsean-saidheans, naidheachd | Sgrìobh beachd

Fleadh Duaisean Comann Crann na h-Alba

Air a phostadh An t-Samhain 7, 2013 le lasairdhubh

Thèid Fleadh Duaisean Comann Crann na h-Alba a chumail ann an Leabharlann Mhitchell air an 14mh latha dhen t-Samhain, aig 4.30f. Carson nach tig sibh ann! Seo an cuireadh agus ’s ann air a gheibhear seòladh puist-d na tè a tha a’ gabhail na RSVPan. Chithear gu bheil iad ag iarraidh gun RSVPar ron 8mh dhen t-Samhain, ach cha chreid mi gu bheil sin cho cudromach. Tha Comann Crann na h-Alba ag iarraidh gun tig daoine, gu sònraichte cuid aig a bheil ùidh ann an litreachas. Chithear gu bheil duilleag Facebook ann dhan tachartas cuideachd.

Air a phostadh ann an naidheachd | Sgrìobh beachd

Saibeorgan gun riaghladh

Air a phostadh An t-Samhain 3, 2013 le lasairdhubh

Anns a’ bhideo seo bho Motherboard.tv, chithear agallamh a rinn Max Hoppenstedt le Tim Cannon bho Grindhouse Wetware nuair a chaidh Cannon fo lannsa gus teicneòlas saibeirneatach a chur ri a chorp. Tha a’ bhuidheann aige, Grindhouse Wetware, na lìonraidh de dh’iomairtichean a tha a’ leasachadh teicneòlas saibeirneatach agus ga cleachdadh nan cuirp fhèin, gun taic leigheis dhreuchdail no cead bhon riaghaltas. Aig co-labhairt leasachadh-cuirp, BMXnet, anns a’ Ghearmailt, dh’iarr Cannon air Steve Haworth inneal eleactronach, Circadia, a chur fo a chraiceann, le lannsaireachd gun aineastatach sam bith. Ow!

Is cinnteach gu bheil an leithid a’ dol air adhart mar thà am measg nan Tony Starks dhen t-saoghail, daoine ro-bheartach, na plutocrataich, agus iad ag iarraidh a bhith beò gu sìorraidh le cumhachdan os-nàdarra, ach saoilidh mi ma bhios cothrom aig daoine àbhaisteach gabhail ris an teicneòlas ùr seo, ’s ann mar thoradh air obair leth-laghail mar seo a thig e. Cuiridh na neo-Bhioctorianaich nar measg casg air na leasachaidhean seo a thaobh an lagha, chan eil amharas ann, ach mar a tha a’ bhideo seo a’ sealltainn, cha bhi e comasach stad a chur air daoine a dhèanadh na leasachaidhean seo taobh a-muigh an lagha, agus dè thachras an uair sin? An tèid an cur an grèim agus na leasachaidhean a thoirt asta? No an tòisich na daoine seo deasbad a leanas gu laghan ùra? Cha chreid mi gun leanadh, ach cò aig’ fios?

Saoilidh mi gur e iomairt inntinneach chudromach a th’ ann, agus gur math a thèid leotha, ach fhathast, ow!

Via Motherboard.tv < Time Newsfeed < reddit.com/r/cyberpunk/

Chithear barrachd mu Grindhouse Wetware anns a’ bhideo le The Verge gu h-ìosal: