Saibear-punc air buidseat beag

Am faigh sinn film ficsean-saidheans anns a’ Ghàidhlig uaireigin?  Tha ùidh aig leughadairean Gàidhlig ann am ficsean-saidheans, agus is cinnteach gum biodh ùidh ann an deagh film ficsean-saidheans anns a’ Ghàidhlig cuideachd, ach an gabh e dèanamh?  Nach biodh e ro dhaor?  Nach biodh na buaidhean sònraichte ro chosgail?  Can gun robh thu ag iarraidh film saibear-punc no opra-fànais a dhèanamh, fear le sgeulachd coltach ri ACDD mar eisimpleir, dh’fheumadh tu diofar longan-fànais a shealltainn, creutairean neo-daonna, planaidean cèin, is eile.  Ciamar a dhèanadh tu sin leis a’ bhuidseat bheag ris a bhite ri dùil air film Gàidhlig?

Beagan bhliadhaichean air ais, b’ e aisling a bhiodh ann — bhiodh na buaidhean sònraiche fada ro dhaor — ach is coltach gu bheil CGI air fàs cho saor a-nis gun gabhadh film ficsean-saidheans a dhèanamh le buaidhean sònraichte a bhiodh reusanta math, ach air buidseat gu math math beag.  Tha am film saibear-punc gu h-àrd na dheagh eisimpleir.  Tha e cianail breagha, ach a rèir an riochdaire, chaidh am fiolmadh a dhèanamh le sgioba de thriùir agus air meanbh-bhuidseat, a’ cleachdadh mòran CGI airson nam buaidhean sònraichte.

Saoil a-nis, an dèan cuideigin film à ACDD san aon dòigh aon latha?  Bhithinn air mo dhòigh agus tha e coltach gun gabh e dèanamh — an-dràsta no ma dh’fhaoidte ann am beagan bhliadhnaichean nuair a thig prisean CGI sìos pìos a bharrachd — ach an uair sin, ceist cudromach: cò chluicheadh Raithdead?  A-Hiom?  Rìosa?  Beachdan?

Via io9.com.

Chaidh seo a phostadh ann an Ficsean-saidheans. Dèan comharra-lìn dhen bhuan-cheangal.

4 freagairtean ri Saibear-punc air buidseat beag

  1. Thuirt Sukie:

    Rìosa – Julie Fowlis ‘s docha. Neo te dhe na boireannaich a bha an-sas anns An t-Uabhas agus/neo Na Gathan! Feumaidh iad a bhith breagha agus bragail!

    A-Hiom – Coinneach MacRath, neo Màrtainn Mac an t-Saoir ‘s docha?
    Neo Tony Kearney. Bhiodh Tony math.

    Agus Raithdead – duine sam bith aig Bòrd na Gàidhlig!

    • Thuirt lasairdhubh:

      Tha e gu sònraichte duilich dhomhsa a ràdh oir tha ìomhaigh cho soilleir agam nam inntinn de choltas agus giùlain Rìosa, Shàil, A-Hiom, agus m.s.a.a. Dh’fheumadh an stiùiriche taghadh neo-eisimeileach a dhèanamh, saoilidh mi.

  2. Thuirt Sukie:

    G’ e bith co na cluicheadaran, tha e soilleir gu bheil an sgeul seo air leth math airson film. Chaninn gum biodh cothrom math soundtrack laidir a dheanamh cuideachd. Dh’fhaodadh clar (foillsichte le CLAR?) direach sgoinneil tighinn as. Bhiodh e math smaoineachadh mu dheidhinn soundtrack cuideachd. Dh’fhaodadh score a h-aona ghnothach a dheanamh air a shon, le aon neach, neo ‘s docha difir chomhlain-ciuil. De ur beachd? Bidh sinn a’ coimhead air adhart ris a seo!

  3. Pingback: Ficsean saidheans air buidseat beag 2 | Air Cuan Dubh Drilseach

Fàgaibh Beachd - Leave a Reply

Cuir a-steach am fiosrachadh agad gu h-ìosal no briog air ìomhaigheag gus clàradh a-steach:

WordPress.com Logo

Tha thu a' toirt seachad beachdan leis a' chunntas WordPress.com agad. Log Out / Atharraich )

Dealbh Twitter

Tha thu a' toirt seachad beachdan leis a' chunntas Twitter agad. Log Out / Atharraich )

Facebook photo

Tha thu a' toirt seachad beachdan leis a' chunntas Facebook agad. Log Out / Atharraich )

Dealbh Google+

Tha thu a' toirt seachad beachdan leis a' chunntas Google+ agad. Log Out / Atharraich )

Connecting to %s