Tha naidheachd air leth agam an-diugh: thèid iris litreachail ùr a chur air bhog aig deireadh na mìosa, iris litreachail Ghàidhlig, agus bidh rosg bhuamsa na broinn! Chan urrainn dhomh cus a ràdh aig an ìre seo, ach thig barrachd naidheachd a-mach an ceann greis. Chì sibh gu bheil làrach-lìn ùr aig CLÀR ― www.clar.online ― agus air an làraich, chì sibh gu bheil beagan fiosrachaidh am follais mun iris. Bidh am bogadh ga chumail aig Siempre Bicycle Cafe, Partaig (ri taobh Fo-thalamh Kelvinhall), Glaschu, 7.00f air Diardaoin, 27 an Dàmhair, agus uaireigin ron sin, cuirear clàr-innse na h-irise suas air an làraich ùir. ’S ann an uair sin as urrainn dhomh barrachd innte mun sgrìobhadh agam fhìn innte. Cumaibh sùil air an làraich seo ― tha e a’ dol a bhith uabhasach math!
Leanaibh sinn air Twitter:
Ceòl nan Speuran
Làraichean
- "Clach-mhìle ann an litreachas na Gàidhlig." -Cothrom
- "Còrdaidh Saorsa riut agus tha mi ga mholadh." - An t-Albannach
Cùrsa Memrise ACDD
Roinnean-seòrsa
- ceòl (31)
- corpas ficsean-saidheans (16)
- fànas (19)
- Ficsean-saidheans (87)
- FS Gàidhlig Tràth (8)
- naidheachd (126)
- punc (21)
- saibeirneatachd (29)
- SF (6)
- Uncategorized (5)
- Còraichean nan iomhaighean le CLÀR 2011, 2013, cleachdte le cead.
Air Cuan Dubh Drilseach 
Gairm/Gath ùr, an e? Dè thachair ri Gath, eadar dà sgeul, bheil fhios aig duine?
Hi. Bidh an iris ùr rud beag eadar-dhealaichte, ach ma bhios STEALL cho math ris na dhà sin, Gairm agus GATH, bidh sinn air ar dòigh. Tuilleadh fiosrachaidh faisg air 27mh an Dàmhair. A thaobh “Dè thachair ri Gath”, chan eil CLÀR buileach cinnteach.
A bheil feum air iris chlò-bhuailte Ghàidhlig ¨craobhan marbh¨ ´na laithean seo?
Chanainn gu bheil, tha a’ mhòrchuid (agus bidh) air leabhraichean analog fhathast.
Tha cuid de rannsachaidhean a’ sealtainn gu bheil daoine òga gu math measail air leabhraichean pàipear. ‘S e na “golden oldies” (50+) a tha measail air e-leughadairean (‘e-readers’ mar a chanas iad) is eile. Ma tha thu sean agus beagan airgid agad, ’s dòcha gun dean didseatach a-mhàin an gnothach. Tha CLÀR (foillsichearan STEALL) a’ smaoin gu bheil an dà dhòigh feumail. Chì thu sin ann an cànain eile – irisean iongantach ùra a’ nochdadh bho chionn ghoirid ann am pàipear – tha na craobhan gan cur an-sàs fhathast!