Bidh mi shìos ann an Glaschu aig Bùth Chomhairle nan Leabhraichean air Diardaoin, an 24mh dhen t-Sultain los bruidhinn mun darna nobhail agam, Feur Buidhe an t-Samhraidh. Tòisichidh cùisean aig 7f agus thèid a’ bhùth a lorg aig 32 Sràid Achadh a’ Mhansa, dìreach timcheall an oisein bho stèisean an fho-rèile aig Kelvinhall. A bharrachd air an nobhail, bu toil leam bruidhinn san fharsaingeachd mu cheòl fo-thalamh agus mu chultar nan turasan-rathaid ann an litreachas anns na Stàitean. Ma tha ùidh agaibh anns a’ chuspair agus ma bhios sibh faisg air Glaschu air an oidhche sin, tha mi an dòchas gun tig sibh ann!